D'Viertel vodä Lebenstheme im Human Design
Auf Schweizerdeutsch
s’lebensthema (incarnation cross) im human design setzt sich immer us vier tor zämme und das sind die, wo d’sunne und erde drin gstande sind. will das sind die energie, wo eus am stärchste prägt händ und mir am stärchste i eus ineträget.
du chasch der s’lebensthema chli wiene hindergrundmusik vo dim lebe vorstelle. eini, wo du überall mit- und dribringsch.
im human design gits 192 verschiedeni lebenstheme, wo sich je nach profil, wo mer het au wieder chli andersch usdrucke chönd.
und was bim lebensthema au immer spannend isch, isch zum luege, i wellem viertel s’drine isch. im human design gits d’viertel vode initiation, zivilisation, dualität und mutation. du gsehsch das zum bispil i dere grafik; je nachdem welles bewusste sunnetor du häsch zählt das zume gwüssä viertel. und jedes viertel bringt wieder en andere usdruck vom lebensthema mit sich.
im erste viertel (wo grob für all gilt, wo zwüschet afangs februar bis afangs mai geburtstag händ) gahts zum bispil um d’initiierig. du bisch da, zum dis lebensthema dur dä verstand z’erfülle, konzept entwickle, über sache nahdenke und dini gedanke, perspektive und idee witerzgeh und z'erkläre. du erfassisch s’lebe dur din verstand und chunsch so i dis körpergfühl ine.
im zweite viertel (afangs mai bis afangs august) gahts um d’umsetzig. du bisch da, zum die konzept vom erste viertel ine form z’bringe, die is materielle überträge und idee chönne (dur din körper) umsetze. bi dim lebensthema isch es also wichtig, id aktion z'cho und idee id realitäte umwandle. (alli tor vom kehlzentrum sind übrigens i dem viertel drin und drum gahts ganz fesch um dä usdruck & d’umsetzig)
im dritte viertel (afangs august bis afangs november) gahts um verbindig und beziehige mit anderne mensche. du bisch da, zum trennige überbrücke und gmeinsam öpis z’kreiere oder sich gmeinsam für öpis z’engagiere. (i dem viertel sind alli tor vom milzzentrum drin und drum gahts fescht drum, im vertraue durs lebe z’gah und au uf dis intuitive gfühl z'losä, wo dir immer wieder zeigt, wer oder was gsund isch)
und im letzte viertel (afangs november bis afangs februar) gahts um mutation und transformation. du bisch mit dim lebensthema da, zum witerdenke, bestehends hinterfrögä, über sache drüber us gseh, alts hinder dir z’lah und öpis komplett neu chönne wahrneh oder entwickle und eus dur das im geist wieder witerbringe.
und falls du no tüfer i dis lebensthema und die einzelne tor devo itauche möchtisch, findsch du ganz viel infos dezue au im human design playground.
„Everything about your Incarnation Cross is about the potential to fulfill your purpose. When you live as yourself, your cross takes over your life and out of that will come its archetypal demand and the opportunity to be fulfilled in that way, whatever that way happens to be.“