Zukunft

Auf Schweizerdeutsch

Eusi Ziit beinhaltet so viel Unsicherheit was Zukunft agaht; Job- und Wohnigssituation, finanzielli Theme, Öl, Strom, Esse, politischi Spannige, gsellschaftlichi Veränderige usw.

Und das wird no verstärkt dur underschiedlichi Prophezeiige, was die kommende Jahr agaht. Und bime Teil vo Mensche füehrt das dezue, dass sie sich afanget für Zukunft vorbereite, indem sie Esse im Keller lageret bis hi zu ganz extreme Liste, woni letschti vonere Influencer-Familie gseh han und sogar Aschaffige zum sich im Fall chönne verteidige druff gha het.

Und was debi vergesse gaht isch, dass wemer eus so für Zukunft vorbereitet, mir sone Zukunft kreieret. Und das isch e Zukunft, wo us dem Problem kreiert wird, wo scho jetzt bestaht.

Will imoment ischs Problem nöd, dass mir z'wenig Ressource hend, sondern dass sie falsch verteilt werdet. Und es isch keis Problem vo de Azahl oder Mengi, sondern vo fehlende ethische Wert und de entsprechende Qualitäte dehinder. Es isch nöd, 'mir hend nöd gnueg', sondern d'mir-hend-nöd-gnueg-zum-teile-Mentalität, wo problematisch isch. Und es sind die veraltete Denkwiise, wo verabschiedet werde dörfet, damit öpis Neus entstah chan.

Drum wemer eus uf e Zukunft vorbereitet, denn viel meh uf eini, wo mir au drin lebe wend. Wie chönd mir e Ressource si, wos eus guet gaht und mir glichzitig au teile bzw. öpis witergeh chönd? Wie chömer debi flexibel bliebe und eus witerentwickle, statt welle kontrolliere und ah Altem festhebe? Was het würklich Qualität? Und was wend mir kreiere?

The world that we prepare for, will be the world we create. The future is not given, it is to be created, and we create it as a choice of what we prepare for. - Charles Eisenstein

🤍