Sinnsuche

Auf Schweizerdeutsch

Oft suechemer nach eusere Bruefig, nach eusem Genius, eusem Weg oder nachem Sinn, wieso mir da sind und was eusi Ufgab isch.

Und au wänn ich ganz fescht dra glaub, dass mir all e «Zone of Genius» (oder mehreri) händ, wird mer immer meh bewusst, dass mir selber und au s'Läbe eifach grundsätzlich Genius isch.

Und dass es nöd drum gaht, DÄ eini Sinn oder DIE eini Bestimmig z'findä oder immer mösse wüssä, was mir wänd oder as negsts mache söllet, sondern drum sich efach selber chönne si, wie unterschiedlich sich das au immer grad usdrucke mag. Drum, ufs eigene Gfühl z'vertrauä (im Human Design wür mer säge uf Strategie und Autorität z'losä), z'verfolgä, was eim grad i dem Moment begeisteret und intressiert, neugierig, geduldig und offe bliebe, Verschiednigs usprobiere, sich debi immer wieder neu entdecke und für öpis losgah oder Sachä kreiere, wänn d'Inspiration chunnt.

Und dass eusi Bruefig eigentlich au so fescht im Alltägliche liit. Drin s'läbe vo Tag zu Tag richtig gnüsse, präsent si, chlini Moment bewusst z'schätze, mitenand Unterschiedlichs erlebe, debi all die verschiednige Erfahrige, Emotione, Höchs und Tüfs azneh und d'Magie i all dem ine immer wieder z'gseh und dur eus würkä und spiele lah.

DAS isch für mich Genius, eusi Ufgab und dä Sinn.