Survival of the kindest

Auf Schweizerdeutsch

Au wänn ah ganz vielne Ort ufdä Welt grad so viel Scheisse passiert und los isch, gits so viel chlini Sachä, wo mir Hoffnig gebet.

Es isch wie bi dem Bild, wo sich e Pflanze dä Weg dur dä Betonbode bohrt. Es isch egal, was für heftigi Gegechräft da sind, es git immer en andere Weg.

Und so Geste gseht mer grad überall. Es werdet Sache organisiert, Ressource teilt, neui Möglichkeite gschaffe und abote. Ah Ort, wo d'Regierig grad nöd aneluegt und hilft, organisieret sich d'Mensche selber, unterstützet sich und lueget mit- und ufenand.

Und DAS isch es, wo mir so viel Hoffnig git - dass die Chraft, wo mir selber händ, immer meh erchennt und vorallem au wahrgnoh wird.

Und das mir wegchömmet vo däm survival of the fittest- Dänke und gsehnd, dass üsi wahri Ressource survival of the kindest isch und drin lit, sich umenand z’kümmere und so gmeinsam viel witerzcho.